2023-жылдын жыйынтыгы боюнча Кыргызстандын мамлекеттик карызы (тышкы жана ички) 6 миллиард 280,54 миллион долларды (559 миллиард 503,58 миллион сом) түздү. Мындай маалыматты Финансы министрлиги билдирет.
Белгиленгендей, 4 миллиард 545,11 миллион доллар (404 миллиард 683,78 миллион сом) тышкы карыз, 1 миллиард 570,88 миллион доллар (139 миллиард 866,65 миллион сом) ички карыз.
Бир айда мамлекеттик карыз 164,55 миллион долларга өскөн. Тышкы 107,62 миллион долларга, ички 56,92 миллион долларга өскөн.
2023-жылдын жыйынтыгы боюнча мамлекеттик карыз такталган болжолдонгон ИДПнын 45,53 пайызын түздү.
Тышкы карыздын жарымынан көбүн (53,6 пайызын) Кыргыз Республикасынын көп тараптуу кредиттери түзөт – 2 миллиард 495,82 миллион доллар. Эки тараптуу жеңилдетилген насыялардын алкагында өлкөнүн дагы 2 миллиард 87,81 миллион доллар карызы бар (тышкы карыздын 44,9 пайызы). Алардын ичинен республиканын тышкы карызынын 36,7 пайызы Кытайдын Экспорттук-импорттук банкына туура келет, ал 2023-жылдын аягында 1 миллиард 708,17 миллион долларды түздү.
Пикирлер (0)
Пикир жок. Сиз биринчилерден болушуңуз мүмкүн