Кыргызстандын сырттан көмүр сатып алуусу эки эсеге азайды

Кыргызстан өткөн жылдын январь айынан октябрдын аягына чейин 463,3 миң тонна көмүр импорттогон. Бул тууралуу Улуттук статистика комитети маалымдады.

Көмүр экспорттогон өлкөлөр:

Казакстан — 462 585 тонна;

Россия — 697,1 тонна;

Өзбекстан — 50 тонна.

Мындан тышкары, Кытай менен Түркиядан да аз көлөмдө көмүр ташылган.

Комитеттин маалыматы боюнча, аталган күйүүчү каражатты импорттоо эки эсеге азайган. 2023-жылдын январь-октябрь айларынын аралыгында өлкөгө 944 миң тонна таш көмүр жана күрөң көмүр алып келинген. Күрөң көмүрдүн импорту 15 тоннага жеткен эмес.