5-майда Ала-Бука районунун Актам айлынын Дөбө-Коргон аймагында Өзбекстан Республикасынын Чек ара кызматынын аскерлери тарабынан 3 кыргыз жаранына карата ок чыгарылган. Бул тууралуу УКМКнын Чек ара кызматынын коомчулук жана ЖМКлар менен байланыш бөлүмү билдирди.
Маалым болгондой, октон жаракат алган 1974-жылы төрөлгөн А.К., 1998-жылы төрөлгөн А.Ж. жана 2000-жылы төрөлгөн А.Ж. аттуу жаран Ала-Бука райондук аймактык ооруканасына жеткирилген. Тилекке каршы жарандар алган жаракатынан улам эсине келбей каза болгон.
Маселени чечүү үчүн Чек ара кызматынын Ала-Бука районунун башчысы тез арада Өзбекстандын Чек ара кызматынын Янги-Курган аймагындагы өкүлү менен жолугушуу өткөргөн.
Тараптар сүйлөшүүнү бүгүн, 6-майда улантууну чечишкен.
Аталган факты боюнча Кыргызстандын тиешелүү органдарына маалымат берилген жана териштирүү иштери башталган.
Пикирлер (0)
Пикир жок. Сиз биринчилерден болушуңуз мүмкүн