Кыргызстанга 20 млн доллар бөлүү боюнча АӨ банкы менен расмий сүйлөшүү жүрөт

Азия өнүктүрүү банкы Кыргызстанды 2020-жылы колдоо үчүн аракеттер саясаты же башка кредит берүү негизинде максаттуу насыялоо аркылуу кошумча каржылоо маселесин карайт. Бул тууралуу өкмөттүн басма сөз кызматы билдирди.

Мындан тышкары, 2020-жылдын 14-майында Азия өнүктүрүү банкы тарабынан пандемиянын саламаттыкка тийгизген кесепеттерин жумшартуу боюнча өлкөнүн дараметин жакшыртуу үчүн өзгөчө долбоордук жардам түрүндө 20 млн АКШ долларын бөлүү боюнча расмий сүйлөшүүлөрдү жүргүзүү пландалууда.

Белгилей кетсек, 5-майда Азия өнүктүрүү банкы COVID-19 пандемиясына жаңы Жооп кайтаруу терезесинин алкагында Кыргызстан үчүн 50 млн АКШ доллары өлчөмүндө бюджеттик колдоо көрсөтүү жөнүндө келишимге кол коюлган.