Кыргызстанга 226 миң доза AstraZeneca вакцинасынын келиши күтүлүүдө

Жакынкы күндөрү Кыргызстанга AstraZeneca вакцинасынын келиши күтүлүүдө. Бул тууралуу республикалык штаб билдирди.

AstraZeneca вакцинасы III фаза сыноосунун негиздинде SARS-CoV-2 симптоматикалык инфекциясына каршы 70%га эффективдүү.

 Бул вакцина Бүткүл дүйнөлүк саламаттыкты сактоо уюму тарабынан тастыкталган.

AstraZeneca вакцинасы Германия, Италия, Испания, Франция, Бельгия, Австрия, Украина жана башка өлкөлөрдө тастыкталган.

 Эмдөөдөн 18 жаштан жогору адамдар өтө алашыт. 1 жана 2 дозалардын ортосундагы аралык 4-12 жуманы түзүшү керек.

Эмдөөдөн өтүүдөгү сактык чаралары:

эмдөөдөн кийин 15 мүнөттөн кем эмес байкоо жүргүзүү сунушталат;

бул вакцинаны эмдөө курч фебрилдик оорулары бар бейтаптарга каршы көрсөтүлөт;

тромбоцитопения менен ооруган, ар кандай кандын уюшу бузулган же антикоагулянттуу терапия алып жаткан жарандарга этияттык менен колдонулат;

суук тийгенде же дене табы бир аз көтөрүлгөн учурда эмдөө болот.

Кыргызстанга 226 миң доза өлчөмүндө швед-британиялык өндүрүшчү тарабынан иштелип чыккан AstraZeneca вакцинасынын келиши күтүлүүдө.