Кыргызстанга расмий иш сапары менен Монголиянын Улуу Мамлекеттик хуралынын (парламентинин) төрагасы Гомбожавын Занданшатар келет.
Парламенттен билдиришкендей, күн мурун Гомбожавын Занданшатардын 26-28-февраль күндөрү Кыргызстанда боло турган расмий иш сапарын уюштурууга арналган мекемелер аралык жыйын өттү.
Жыйынга төрагалык кылган Жогорку Кеңештин аппарат жетекчиси Алайбек Алымбаев расмий иш сапардын алкагында өтүүчү иш-чараларды жогорку деңгээлде уюштуруу зарылчылыгына токтолуп: “Монголиянын парламентинин төрагасы Гомбожавын Занданшатардын расмий иш сапары мамлекеттер аралык алакаларды арттырууда жана парламенттер ортосундагы кызматташтыкты кеңейтүүдө өзгөчө мааниге ээ”, – деди Алайбек Алымбаев.
Ага ылайык жыйында иш сапардын программасы талкууланып, ар бир мекемеге бекитилген иштер боюнча маалымат алынды.
Пикирлер (0)
Пикир жок. Сиз биринчилерден болушуңуз мүмкүн