Кыргызстанга сентябрда 259 миң доза Pfizer вакцинасынын келиши күтүлүүдө. Бул тууралуу Республикалык иммунопрофилактика борборунун директору Гүлбара Ишенаписова АКИpress агенттигине билдирген.
Анын айтымында, вакцина COVAX программасы аркылуу алынат.
"Pfizer вакцинасы сентябрь айында келиши күтүлүүдө. Учурда бул вакцинаны алууга даярдыктар жүрүп жатат. Муздаткыч жабдуулар менен камсыз кылуу маселелерин карап жатабыз. Вакцина муздак температурада сакталгандыктан чоң шаарларда гана колдонулат", - деп билдирген Ишенаписова.
Пикирлер (0)
Пикир жок. Сиз биринчилерден болушуңуз мүмкүн