Кыргызстанга 1800 литр спирт ичимдиги мыйзамсыз ташылып келген. Бул тууралуу УКМКнын басма сөз кызматы билдирди.
УКМКнын Чүй облусу боюнча башкармалыгы тарабынан “Актилек” көзөмөл-өткөрүү бекети аркылуу Кыргызстанга лицензия жана уруксат документтери жок спирт ичимдиктерин мыйзамсыз ташып келүү аракетине бөгөт коюлду.
“Мерседес-Бенц Спринтер” үлгүсүндөгү унаа кармалып, айып токтотуучу жайга киргизилди. Алдын ала эсептөөлөр боюнча, ташылып келген алкоголдун жалпы көлөмү 1800 литрге жакын.
“Учурда мыйзамсыз иш-аракеттерге тиешеси бар адамдарды аныктоого багытталган текшерүү иш-чаралары жүргүзүлүүдө”, - деп айтылат маалыматта.
Пикирлер (0)
Пикир жок. Сиз биринчилерден болушуңуз мүмкүн