Кыргызстанга жүк ташуучу жарты вагондордун кезектеги партиясы келди. Бул тууралуу “Кыргыз темир жолу” УК” мамлекеттик ишканасынын башкы директору Азамат Сакиев билдирди.
2022-жылдын январында 10 даанадан турган жарты вагондордун кезектеги партиясы келди, ал эми февраль айында дагы 30 жарты вагондордун келиши күтүлүүдө. Жалпысынан компания 380 миллион рублга 100 даана жарты вагон сатып алган.
"Жүк ташуучу жарты вагондорду алуу менен кыргыз темир жолунун кыймылдуу составын жаңыртууга жана чарбалык субъекттердин темир жол транспорту менен керектөөлөрүнүн өсүшүн камсыз кылууга мүмкүндүк берет. Вагондор компаниянын өздүк каражаттарынын эсебинен алынды", - деп белгиледи Сакиев.
Пикирлер (0)
Пикир жок. Сиз биринчилерден болушуңуз мүмкүн