Кытай жаранынан 200 миң доллар талап кылган УКМК кызматкери кармалды

Бишкек шаарында УКМКнын башкы тергөөчүсү  Э.С. акча талап кылган үчүн кармалган. Бул тууралуу «24.kg» агенттиги өздүк булактарына таянып ​​билдирди.

Буга чейин Аскер прокуратурасы атайын кызматтын кызматкерине кылмыш ишин козгогондугу белгилүү болду.

Белгилүү болгондой, УКМКнын тергөөчүсү Кытай жаранына таандык 200 миң доллар алган. Аскер прокуратурасы шектүүнү кармаган.

Бишкек шаарынын Биринчи Май райондук сотунун чечими менен Э.С. 26-августка чейин УКМКнын СИЗОсуна киргизилген. Атайын кызматкер 100 миң доллар өлчөмүндөгү зыяндын ордун толтургандан кийин, ал үй камагына чыгарылган.