Кытайда сутка ичинде коронавирус 3 адамдан аныкталды

Кытайда коронавирус илдети 3 адамдан аныкталды. Бул тууралуу чет элдик басылмалар жазып чыкты.

Маалыматка ылайык, жаңы жагдайлардын экөө сырттан алып келген, бир адам жуктуруп алган. Ал эми сутка ичинде 80 адам дарттан айыккан.

Ошондой эле сырт жактан жуктуруп келгендердин жалпы саны 1636 адамга жетти. Алардын 1009у инфекциядан айыкса, 627 киши ооруп жатат, ал эми 22 бейтаптын абалы начар экени айтылат.

Эске салсак, коронавирус илдети 2019-жылдын соңунда Ухань шаарынан чыккан. 29-мартта Кытай бийлиги алардын өлкөсүндө инфекция толугу менен токтогонун билдирген.