Бүгүн,
13-февралда Кытайда окуган 40 студент Бишкекке келишти. Бул тууралуу Чек ара
кызматынан кабарлашты.
Маалыматка ылайык, Пекин-Алматы аба каттамы менен Кыргызстандын 40 студенти Алматы шаарына учуп келген. Андан соң алар атайын жиберилген автобустар менен “Акжол-автожол” көзөмөл-өткөрүү пункту аркылуу Кыргызстанга кирген. Тепловизор аркылуу текшерүүдөн соң уландар жана кыздар чек ара контролунан өтүштү.
Бардык студенттердин ден соолугу канааттандырарлык. Алар Саламаттыкты сактоо министрлигинде бекитилген иш-аракеттер жадыбалына ылайык, карантиндик аймакта медициналык текшерүүгѳ жиберилген.
Пикирлер (0)
Пикир жок. Сиз биринчилерден болушуңуз мүмкүн