Бүткүл дүйнөлүк саламаттык сактоо уюму Кытайдан почта аркылуу жѳнѳтүлгѳн нерселерден коронавирусту жуктуруу коркунучу жок экенин маалымдады.
Илимпоздордун айтымында, вирус 40°С температурага чыдай албайт жана айлана чѳйрѳдѳ жашап кетүүгѳ туруктуу эмес.
“Сиздерде, Кытайдан жѳнѳтүлгѳн нерселер аркылуу коронавирустун жаңы түрүн жуктуруу коркунучу жок. Коронавирустун башка түрлѳрүн изилдеген тажрыйба кѳрсѳткѳндѳй, почта аркылуу жѳнѳтүлгѳн кат жана башка буюмдарда вирус узак жашай албайт”, -деп билдирди Бүткүл дүйнөлүк саламаттык сактоо уюму.
Адистер коронавирус түздѳн-түз бейтап менен болгон байланыш аркылуу жугаарын баса белгилешет.
Пикирлер (0)
Пикир жок. Сиз биринчилерден болушуңуз мүмкүн