Кыйроолор жана каза болгондор бар. Түркияда күчү 6,4кө жеткен жер титирөө кайрадан катталды

20-февраль күнү кечки саат 20:04 чамасында Түркиянын Хатай провинциясына караштуу Дефне районунда күчү 6,4 баллга жеткен жер титирөө катталды. 

"Анадолу" агенттиги кабарлагандай, жер титирөөнүн артынан эң күчтүүсү 5,8 баллга жеткен 32 жер титирөө катталды.

Кырсыктан 3 адам каза болуп, 230 адам жаракат алган. Алардын 18инин абалы оор экени айтылды.

Ошондой эле урандылар астында калган жарандар болушу мүмкүн.