Кызды баш кошуу максатында Бишкектен Таласка ала качкандар кармалды

Чүй облустук милициясы кызды турмуш куруу максатында ала качкан жарандарды кармады. Бул тууралуу облустук милициядан билдирди. 

Маалым болгондой, 20-майда кечки саат 22лер чамасында милицияга 2002-жылы төрөлгөн кызды эки жигит алып качканы тууралуу маалымат түшкөн. Милиция дароо "Перехват" планына өтүп ишти алып барган. 

"Сосновка" өткөрмө бекетинде жол көзөмөлдөө кызматкерлери "Хонда Одиссей" унаасын токтоткондо аталган жарандар ичинде кызды Таласка алып кетип жаткан болгон. Жол көзөмөлдөө кызматкерлери аларды милицияга мындан кийинки аракеттер үчүн өткөрүп берген.