Кызыл-Кыя шаарындагы мечитке жаңы төрөлгөн ымыркайды таштап кетишкен. Бул тууралуу Баткен облустук ички иштер башкармалыгынын басма сөз кызматы билдирди.
Бүгүн эртең менен молдо Кызыл-Кыя шаарындагы Аль-Гуфран мечитине азан чакырууга келип, ак шейшепке оролгон кичинекей эркек баланы таап алган.
Аталган факты 2025-жылдын 3-январында Кызыл-Кыя шаардык ички иштер башкармалыгынын электрондук маалымат журналына катталып, учурда тактоо иштери жүрүп жатат.
Табылган ымыркай Кызыл-Кыя шаардык бириккен ооруканасына жеткирилип медицина кызматкерлеринин көзөмөлүнө алынды, абалы туруктуу.
Пикирлер (0)
Пикир жок. Сиз биринчилерден болушуңуз мүмкүн