Көчөдөн жетелеп келгенди токтотуш керек. Надира Нарматова Баткен жана Лейлек районунун акимдерин кызматтан алууну сунуштады

Бүгүн, 10-майда Жогорку Кеңештин жыйынында депутат Надира Нарматова Баткен жана Лейлек районунун акимдерин кызматтан алууну сунуштады.

Анын айтымында, эки аким өзүнүн милдеттерин аткара албай жатат.

"Тааныш-билиш кылып беш-он сом акчасы бар адамды көчөдөн жетелеп келгенди токтотуш керек.

Баткен облусуна бөлүнгөн 500 миллион сомду туура өздөштүрө албагандыгы үчүн Баткен жана Лейлек районунун акимдери кызматынан кетиш керек",- деди депутат Нарматова.