Көчөгө чыккандар үйгө кайткандан кийин эмне кылышы керек?

Коронавируска каршы күрөшүү үчүн түзүлгөн Республикалык штаб үйдү таштап сыртка чыккан жарандар үчүн атайын эрежелерди сунуштады.

Көчөдөн үйгө кайткандан кийин сактала турчу эрежелер:

Бут кийимди кире бериште чечүү жана калтыруу;

Кир колдор менен эч нерсени кармабоо;

Сырткы кийимди кире бериште калтыруу;

Эгерде сиз үй жаныбарыӊыз менен сейилдеп келсеӊиз, анын тамандарын да тазалаӊыз;

Ачкыч жана капчыкты өзүнчө текчеге же кутуга коюӊуз;

Душка түшүп же денеӊиздин ачык бөлүктөрүн жууӊуз;

Уюлдук телефонуӊузду жана көз айнегиӊизди курамында спирт бар каражат менен тазалап сүртүӊүз;

Кол каптар менен беткаптарды кескилеп, капкагы менен жабыла турган кутуга ыргытыӊыз.