Азербайжандын Тегерандагы элчилигинин кызматкерлери баары Бакуга эвакуацияланды. Бул тууралуу чет элдик маалымат каражаттары кабарлады.
Маалым болгондой, Азербайжандын Тегерандагы элчилиги өзүнүн кызматтарын толук токтоткон. Ал эми Тебриз шаарындагы консулдук өз ишин улантат.
Азербайжандын тышкы иштер министринин орун басары Халаф Халафов билдиргендей, Вена конвенциясына ылайык, элчиликтин коопсуздугу үчүн Иран жооптуу жана анын натыйжалары үчүн да расмий Тегеран жооп берет.
Эскерте кетсек, 27-январда Азербайжандын Тегерандагы элчилигине куралдуу кол салуунун натыйжасында коопсуздук кызматынын кызматкери каза болгон жана эки жаран жаракат алган.
Пикирлер (0)
Пикир жок. Сиз биринчилерден болушуңуз мүмкүн