Комендант соода борборлор менен батир ээлерине кайрылуу жасады (видео)

Бишкек шаарынын коменданты Алмазбек Орозалиев  маалымат жыйында соода борборлор менен батир ээлерин ижара акыларын шаштырбай турууга чакырды.

Ички иштер министринин орун басары карантин эрежелерин сактап отурган жарандарды туура түшүнүү менен мамиле кылуу керектигин айтты.

"Ижара ээлерине кайрылат элем, өзгөчө абалдын талаптарын аткарып батирлеринде отургандарды туура түшүнүү менен мамиле кылып, үйүңөрдөн чыгарбай тургула. Ошондой эле соода түйүндөрдүн ээлерин да ижарага берген орундары үчүн соодагерлерден акы албай турууга чакырам”, - деди Орозалиев.

Ал эми өзгөчө абал киргенден тарта 45 жол кырсыгы катталып, 60 адам жаракат алганын кошумчалады.