Коммерциялык банктар доллардын курсун 3 сомго көтөрдү

Кыргызстанда бүгүн, 10-мартка карата доллардын курсу жогорулап кеткени байкалды.

Коммерциялык банктардын расмий сайттарындагы маалыматка караганда, бир доллардын курсу дээрлик үч сомго жогорулады.

DemirBank 72.85 сомдон сатып алып, 72.95 сомдон сатууда. KICB болсо 72.90 сомдон сатып алып, 73 сомдон сата баштады.

Бүгүн, эртең менен 1 АКШ доллары 69,85-69,95 сомдун тегерегинде болчу.

Улуттук банктын расмий сайтында доллар 69.85 сом бойдон турат.