Конор Макгрегор үчүнчү ирет карьерасын жыйынтыктаганын жар салды

UFC уюмунун эки салмактагы мурдагы чемпиону Конор Макгрегор эрежесиз уруштан кетип жатканын жар салды. Бул тууралуу спортчу Twitter аркылуу билдирди.

“Салам, жигиттер. Мен беттештерге чыкпоону чечтим. Силердин баарыңарга буга чейинки өзгөчө көз ирмемдер үчүн рахмат. Мунун баары керемет болгон”, - деп билдирүү калтырган.

Муну менен Макгрегор үчүнчү ирет эрежесиз уруштан кетип жатканын билдирди. Ал буга чейин UFC 246 турниринде Дональд Серроне менен беттешип биринчи раунда утуп алган.