Жогорку Кеңештин депутаты Евгения Строкова президент Садыр Жапаровго бүгүнкү жыйында кайрылуу жасады.
Строкова Конституциянын күчүнө киргенине бир ай боло элек мыйзам бузуулар болуп жатканын айтты.
"Жаңы Баш мыйзамдын күчүнө киргенине бир ай боло элек аны бузуп башташты. Конституцияны окуган эмеспи же аны кайра жоготуп коюштубу? Депутаттардын кол тийбестиги боюнча мыйзам одоно бузулуп жатат. Ар бир депутаттын электораты бар. Ал элдин жана өзүнүн пикирин айтууга укуктуу.
Конституциянын гаранты катары урматтуу Садыр Жапаров, сизге кайрылам. Башаламандыкты токтотуңуз. Конституцияны сыйлабагандык сизди урматтабагандык.Сиз бул мыйзамсыздыктарды токтотосуз деп ишенем",- деди Строкова.
Пикирлер (4)