Кыргызстанда активисттер Конституцянын жаңы долбооруна каршы кол топтоп баштады. Бул боюнча стоп-референдум (stop-referendum-kg.com) сайты иштеп жатат.
Активисттер аталган сайтка кирип, петиция толтурууга чакырууда.
Алардын талабы:
1. Конституциялык референдумду өткөрүү демилгеси артка кайтарылсын;
2. Президенттик жана парламенттик шайлоолор өз мөөнөтүндө өткөрүлсүн;
3. Бийлик бутактарынын Кыргыз Республикасынын мыйзамдарынын талабына жараша иш алып баруусу.
“Конституциянын сунушталган долбоору коомдук талкууга коюлган эмес. Конституциялык референдум аркылуу Конституцияга өзгөртүү киргизүү тартиби бузулган. Буга карата Кыргыз Республикасынын Конституциялык палатасынын токтому жок жана эксперттер менен жарандардан турган конституциялык кеңешме өткөрүлгөн эмес”, - деп жазылат билдирүүдө.
Пикирлер (1)