Түштүк Кореянын окумуштуулары коронавирус көп кабаттуу үйлөрдө желдетүү аркылуу жайыла тургандыгын аныкташты. Алардын отчету Science Direct порталына жарыяланды.
Изилдөөнүн себеби Сеулдагы турак жай комплексинин ар кайсы кабаттарында жашаган бир нече үй-бүлө бир эле мезгилде COVID-19ду жуктуруп алган окуя болгон.
Алгач, алтынчы кабаттын жашоочусу жана анын туугандары тапшырган анализ оң натыйжа берген. Андан кийин вирус төртүнчү жана бешинчи кабаттардагы коңшуларынан табылган. Кийинчерээк 10-11-кабаттагы үй-бүлөлөр дагы бул илдетке кабылгандыгы белгилүү болгон.
Ошол эле учурда, жуктуруп алгандардын бардыгы бири-бири менен байланышпагандыгын, ал эми экөө лифтти да колдонбогонун айтышкан.
Окумуштуулардын айтымында, бардык батирлер жалпы желдетүү системасы менен бириктирилген. Алардын ою боюнча, вирус батирге ванна бөлмөсүндөгү тешиктер аркылуу кирген.
Пикирлер (0)
Пикир жок. Сиз биринчилерден болушуңуз мүмкүн