Коргоо министринин орун басары: Кыргыз-тажик чек арасындагы жаңжалга Тажикстандын Куралдуу күчтөрү тартылган эмес

Кыргыз-тажик чек арасындагы жаңжалга Тажикстандын Куралдуу күчтөрү тартылган эмес. Мындай пикирин Коргоо министринин орун басары Нурлан Кирешеев  Жогорку Кеңештин тармактык комитетинин отурумунда билдирди.

Анын айтымында, апрелдеги кыргыз-тажик чек арасындагы жаңжалга Тажикстандын чек ара кызматкерлери катышкан.

"Тажикстанда да Кыргызстандагыдай Куралдуу күчтөр Коргоо министрлигине карайт. Ал эми чек арадагы куралдуу аскерлер кошуна өлкөнүн УКМКсына караштуу Чек ара кызматынан аскерлери болгон. Жаңжалга Кыргызстандын да Тажикстандын да Куралдуу күчтөрү тартылган эмес",- деди Кирешеев.