Түркия Кыргызстандын Саламаттык сактоо министрлигине “Кыргыз-түрк достугу” ооруканасын COVID-19 коронавирустук инфекциясына каршы күрөшүүгө пайдалануу үчүн берди. Бул тууралуу Түркиянын Кыргызстандагы элчилигинен кабарлашты.
Алардын билдиришинче, бул илдет менен бүтүндөй дүйнө күрөшүп жаткан маалда өз ара бирин-бири колдоо жана биргеликте аракет кылуу эки өлкө үчүн олуттуу мааниге ээ.
“Оорукананы расмий тапшыруу иш-чарасы коронавирустун жайылышына байланышкан абал тынчыгандан кийин өткөрүлөт”, - деп айтылат маалыматта.
Белгилей кетсек, өткөн жылы «Кыргыз-түрк достук ооруканасын» ачуу, биргелешип башкаруу жана өткөрүп берүү, кыргыз жарандарынын медицина жаатында Түркияда билим алышы тууралуу макулдашылган. Ага былтыр 1-сентябрда Кыргызстан менен Түркиянын өкмөттөрүнүн ортосунда Бишкек шаарында кол коюлган.
Оорукана 72 орунга ылайыкталган.
Пикирлер (0)
Пикир жок. Сиз биринчилерден болушуңуз мүмкүн