Өлкө боюнча жалпы коронавирус аныкталган 472 бейтап ооруканада. Бул тууралуу 12-июнда брифинг учурунда саламаттыкты сактоо министринин орун басары Нурболот Үсөнбаев билдирди.
Анын айтымында, алардын ичинен 11 бейтап оор абалда болсо, кайра жандандыруу бөлүмүндө 1 адам жатат. 91 бейтаптын абалы орто оор болсо, 370 жаран канааттандырарлык абалда.
Мындан тышкары, өлкө боюнча обсервацияда 1693 адам жатат. Контакт болгондор 9272 адам үй карантинине алынган, алар медициналык кызматкерлердин көзөмөлүндө.
Кыргызстанда 12-июнга карата жалпы 1266 адамдан коронавирус аныкталды.
Пикирлер (0)
Пикир жок. Сиз биринчилерден болушуңуз мүмкүн