Коронавирус аныкталган 12 адам жандандыруу бөлүмүндө

Коронавируска кабылган жарандардын ичинен 12 адам жандандыруу бөлүмүндө жатат. 

Республикалык ыкчам штабдын маалыматына караганда, бүгүн, 26-июнга карата Кыргызстанда коронавирус оорусун жуктургандардын жалпы саны 4 миң 204 адамга жетти. Алардын ичинен 633 адам стационарда. Бүгүнкүгө карата 2 миң 162 адам оорудан айыккандан кийин ооруканалардан чыккан.

Үй карантинде 1 миң 366 адам бар. Аларда оору белгилери жок өтүп жатат. 

26-июнга карата республика боюнча СOVID-19 инфекциясынын жаңы 250 учуру катталды. Муну менен республика боюнча жалпы 4204 учур болду. Каза болгондордун жалпы саны 43 адам.