Азыркы учурда Кыргызстанга кайтып келүүнү каалган 4 миңден ашык жаран бар, деп билдирди Республикалык ыкчам штабдан. Алар Россиядан, Азиядан, Европадан, Африкадан жана АКШдан келе тургандар.
Ошондой эле буга чейин Россиядагы жарандардын көпчүлүк бөлүгү Россиянын токтотулуп калган каттамына авиабилеттерди алып алышкан.
Дүйнөдө коронавирус пайда болгон учурдан баштап Тышкы иштер министрлиги жана Кыргызстандын башка мамлекеттик органдарынын жардамы менен өлкөгө 6767 жаран кайтып келди. Алардын көпчүлүгү Россиядан, ошондой эле, Түркия, Бириккен Араб Эмираттары, Индия, Египет, Таиланд, Кытай, Малайзия, Корея, Индонезия, Шри-Ланка, Вьетнам өлкөлөрүнөн келди.
Мындан сырткары, Москвадан келген каттам менен жарандар АКШ, Франция, Улуу Британия, Доминикана Республикасы жана башка мамлекеттерден келишти.
Пикирлер (0)
Пикир жок. Сиз биринчилерден болушуңуз мүмкүн