Коронавирус дагы 21 ак халатчандан аныкталды

Бир сутка ичинде өлкө боюнча 21 медицина кызматкери коронавирус жуктуруп алганы аныкталды. Бул тууралуу саламаттыкты сактоо министринин орун басары Мадамин Каратаев билдирди.

Жаңы учурлар:

Бишкек шаарында – 7;
Ош шаарында – 3;
Ош облусунда – 1;
Чүй облусунда – 9;
Талас облусунда – 1.

Ал эми стационарлардан сутка ичинде 7 медкызматкер айыгып чыгарылды. Муну менен илдеттен сакайгандардын жалпы саны 403кө жетти.

Жалпысынан республика боюнча COVID-19 диагнозу менен медицина кызматкерлеринин арасында – 669 учур катталды.