Коронавирус илдетин жаңы жуктургандардын бири эмчектеги наристе

Коронавирус илдетин жаңы жуктургандардын бири эмчектеги наристе. Бул тууралуу коронавируска каршы күрөшүү боюнча республикалык штабдан кабарлады.

Саламаттык сактоо министрлигинин 24-март күнү саат 18:30га карата маалыматында жаӊы жуктургандар 26 адам, мурда бул илдет аныкталгандар 16 болгону, баары 42 адамга жеткени айтылат. 

Ошондой эле ооругандардын арасында энесинен илдет жуктурган эмчектеги наристе жана 14 жаштагы өспүрүм бар экени, калган бейтаптардын жашы – 16 жаштан 86 жашка чейин экен да кабарланат. 

Бейтаптар Бишкек шаарынын инфекциялык ооруканасында, Ош шаарынын шаардык ооруканасында жана облустук ооруканаларга жайгаштырылган. Аларга тийиштүү медициналык жардам көрсөтүлүп жатат.