Коронавирус илдетин жуктургандар Казакстанда 109 адамга жетти

Казакстанда коронавирус инфекциясына чалдыккандар 109 адамга жетти. Бул тууралуу коңшу өлкөнүн жергиликтүү басылмалары жазышууда.

Маалыматка ылайык, саат 16:20га карата Нур-Султан жана Алмата шаарларында жаңы жагдайлар катталды.

Учурда илдетке чалдыккандар, Нур-Султанда 61, Алматада 40, Караганда шаарында 2, Алмата облусунда 1, Актобе облусунда 1, Шымкентте 1, Жамбылда 1, Түндүк Казакстан облусунда 1 адам экени кабарланат.

Эске салсак, 25-мартта Казакстанда илдетке чалдыккандардын саны 80 адамга жеткен болчу. Коронавирус илдетине дүйнөдө 420 миңден ашык адам чалдыкканын Дүйнөлүк саламаттыкты сактоо уюму кабарлады.