Өлкөдө коронавирус инфекциясын жуктуруп алгандардын 495и стационарларда дарыланууда. Бул тууралуу саламаттыкты сактоо министринин орун басары Нурболот Үсөнбаев 10-июндагы брифингде билдирди.
Маалыматка ылайык, стационарларда жаткан 495 бейтаптын экөөсү жандандыруу бөлүмүндө жатат. Ал эми ооруканадан 1572 адам чыгарылса, 26 киши илдеттен көз жумган.
Ошондой эле соңку сутка ичинде 2 816 изилдөө жүргүзүлүп, анын жыйынтыгында COVID-19дун жаңы 38 учуру катталган.
“Бир сутка ичинде коронавирус менен жаңы 38 учур катталды. Жети учур чет өлкөдөн келген жарандардан жана 24 учур медициналык көзөмөлдө турган жарандардан аныкталган. Калган 7 учурдун жугузуп алган шарттары белгисиз”, - деди Үсөнбаев.
Пикирлер (0)
Пикир жок. Сиз биринчилерден болушуңуз мүмкүн