Коронавируска чалдыккандар бир күндө 14 миңге көбөйдү

Коронавируска чалдыккандар бир күндө 14 миңге көбөйүп, бул илдеттен каза болгондор 862 адамга жетти. Бул тууралуу Дүйнөлүк саламаттыкты сактоо уюмунун бүгүнкү, 17-марттагы маалыматында айтылат.  

Дүйнөлүк саламаттыкты сактоо уюмунун маалыматына караганда коронавирус илдети менен 13 903 жаңы жагдай катталды. Ал эми, пандемия деп табылган вирус дүйнөнүн 151 өлкөсүндө катталды.

Ооруга чалдыккандардын жалпы саны 174 561 кишиге жетти. Андан сакайып кеткендер 71 154 адам болсо, каза болгондордун саны 6685 кишиге жетти.