Коронавирустан 73 жаштагы бейтап каза болду

Өткөн сутка ичинде 1 бейтап COVID-19 инфекциясынан каза болду. Бул тууралуу саламаттыкты сактоо министринин орун басары Нурболот Үсөнбаев 18-июндагы брифингде билдирди.

Анын айтымында, бейтапты ооруканага кеч алып келип калган.

“Өткөн суткада Алай аймактык ооруканасынан 73 жаштагы эркек киши каза болду. Ал ооруканага оор абалда, дем алуусу начарлап келген. Болгон шарттар менен дарылап, жандандыруу бөлүмүнө жаткырганга карабай коронавирустан каза болуп калды. Анда эки тараптуу пневмония болгон, өпкөнүн сезгениши күчөп кеткен жана дем алуусуда оорлошуп кеткен”, - деди Үсөнбаев.

Муну менен коронавирустан каза болгондордун жалпы саны 31 бейтапка жетти.