Коронавирустан дагы 1 бейтап каза болду. Жалпы саны - 47

Кыргызстанда өткөн сутка ичинде 1 бейтап COVID-19 инфекциясынан каза болду. Бул тууралуу 28-июнда республикалык штабдан маалымдашты. 

Маалыматка караганда, республикалык клиникалык ооруканасында – 1 адам каза болгон. Ал 1964-жылы туулган аял киши. Жалпы каза болгондордун саны 47 кишини түздү.

Кыргызстанда COVID-19 вирусун жуктуруу жалпысынан 4 748 учурга жетти. Стационарда 685 адам жатса, алардын ичинен 20 адам реанимацияда. Үй карантининде 1774 адам дарыланууда. Ал эми 2242 адам ооруканадан чыгарылган.