Коронавирустан дагы 10 бейтап көз жумду. Жалпы саны - 76

Өткөн сутка ичинде 10 бейтап COVID-19 инфекциясынан каза болду. Бул тууралуу Саламаттыкты сактоо министрлигинин Коомдук саламаттык башкармалыгынын башчысы Айнура Акматова билдирди.

Маалыматка ылайык, каза болгон жарандарда коронавирустан сырткары, өзүлөрүнүн да өнөкөт оорулары болгон.

Каза болгондор:

Кыргыз-Түрк достук ооруканасынан – 1 (аял, 58 жашта);
Республикалык клиникалык инфекциялык ооруканасынан - 1 (эркек, 54 жашта);
Ноокат аймактык ооруканасынан – 1 (59 жаштагы аял киши, медкызматкер);
Ош шаарынын клиникалык ооруканасынан - 1 (аял, 33 жашта);
Кызыл-Кыя аймактык ооруканасынан – 1 (33 жаштагы эркек киши);
Ысык-Ата аймактык ооруканасынан – 5 бейтап (3 эркек – 64,66,80 жашта; 2 аял – 62,63 жашта).

Жалпы каза болгондордун саны 76 кишини түздү.