Ош облусунда 59 жаштагы дарыгер коронавирустан каза тапты. Бул тууралуу саламаттыкты сактоо министринин орун басары Нурболот Үсөнбаев 3-июндагы брифингде айтты.
“Коронавирустан 59 жаштагы биздин кесиптешибиз дарыгер физиотерапевт каза болду. Ал пневмония болгон бейтаптарды кабыл алып келген. Ал илдетти жуктуруп алып, дартты жеңе алган жок. Кесиптешибиздин өзүндө да оорунун белгилери болгон”, - деди Үсөнбаев.
Ошондой эле Ош облустук бириктирилген ооруканасынан 55 жаштагы бейтап, Нарын облустук ооруканасында 84 жаштагы адам каза болгон. Муну менен COVID-19дан каза болгондордун жалпы саны 20га жетти.
Пикирлер (0)
Пикир жок. Сиз биринчилерден болушуңуз мүмкүн