Коронавирустан 67 жаштагы нарындык аял каза болду

Нарын облусунда коронавирус илдетинен бир бейтап каза болду. Бул туралуу 8-июндагы брифингде саламаттыкты сактоо министринин орун басары Нурболот Үсөнбаев билдирди.

“Нарын облустук ооруканасында 67 жаштагы аял киши каза болду. Бейтап үйүндө дарыланып, 3-4чү жума дегенде кеч кайрылып калган. Кан басымы жогору болгон, мындан сырткары анемиясы болгон, көрсөткөн медициналык жардамдарга карабай ал илдеттен каза тапты”, - деди Үсөнбаев.

Муну менен республика боюнча COVID-19дан жалпы 23 бейтап каза болду.