Коронавирусту жуктуруп алган медиктердин саны 400гө жетти

Бир сутка ичинде өлкө боюнча 5 медицина кызматкери коронавирус жуктуруп алганы аныкталды. Бул туралуу 8-июндагы брифингде саламаттыкты сактоо министринин орун басары Нурболот Үсөнбаев билдирди.

Маалыматка ылайык, Бишкек шаарында – 4, Чүй облусунда – 1 медиктен инфекция табылган.

Ал эми стационарлардан сутка ичинде 7 медкызматкер айыгып чыгарылды. Муну менен илдеттен сакайган медкызматкерлердин саны 282ге жетти.

Жалпысынан республика боюнча COVID-19 диагнозу менен медициналык кызматкерлер арасында – 400 учур катталды.