Коронавирустун эң оор түрүн дарылоого 118 миң сом кетет, - министр

Кыргызстанда коронавирустун эң оор түрүн дарылоого 118 миң сом кетет. Бул тууралуу бүгүн, 30-апрелдеги Жогорку Кеңештеги отурумда саламаттыкты сактоо министри Сабиржан Абдикаримов айтты.

Анын айтымында учурда атайын топ кеткен чыгымдар эсептелип жатат.

"Саламаттыкты сактоо министрлиги коронавирус илдеттин дарылоо үчүн жеңил, орточо, оор жана өтө оор түрү деп 4 топко бөлгөн. эң жеңил түрүн дарылоого 7 миңдин тегерегинде, ал эми эң оор формасына 118 миң сом кетет. Бул түздөн-түз кеткен чыгымдар, ал эми азыр атайын топ түзүлүп жалпы чыгымдар эсептелип жатат”, - деди Абдикаримов.