Коррупция боюнча эң көп кылмыш иши козголгон түзүм Транспорт министрлиги

Прокуратура органдарына болгон эл арасындагы ишеним бүгүнкү күндө биз каалагандай эмес, деп билдирди башкы прокурор Өткүрбек Жамшитов бүгүн, 21-майда Жогорку Кеңештин жыйынында депутаттардын суроолоруна жооп берип жатып.

“Биз прокуратура органдарына эле эмес, бардык мамлекеттик структураларга эл арасындагы ишеним боюнча анализ жасайбыз. Кайсы тармакта ишеним кандай экенин билебиз. Учурда прокуратурага болгон ишеним дагы биз ойлогондой эмес”, - деди ал.

Өткүрбек Жамшитов билдиргендей, коррупция боюнча эң көп кылмыш иши козголгон - бул Транспорт жана коммуникациялар министрлиги, андан кийин Билим берүү жана илим министрлиги, үчүнчүдө Экологиялык жана техникалык коопсуздук боюнча мамлекеттик инспекциясы турат.