Кыргызстандык балбан Акжол Махмудов грек-рим күрөшү боюнча Болгарияда өтүп жаткан Dan Kolov - Nikola Petrov эл аралык мелдешинин чейрек финалына чыкты.
Спорттук иш-чара 17-20-февралда Велико-Тырново шаарында өтүүдө.
Акжол Махмудов 77 кг салмакта турнирдин тандоо турунан баштап катышты. Алгачкы атаандашы грузиялык Бека Мамукашвилини Махмудов 5:1 эсебинде утуп алды. Ал эми мелдештин 1/8 финалында болгориялык балбанды эки ирет көтөрүп чаап, мөөнөттөн мурда жеңишти камсыздады.
Ал эми Жоламан Шаршенбеков грек-рим күрөшү боюнча Болгарияда өтүп жаткан Dan Kolov - Nikola Petrov эл аралык мелдешинин чейрек финалына чыкты.
Спорттук иш-чара 17-20-февралда Велико-Тырново шаарында өтүүдө.
Жоламан Шаршенбеков 60 кг салмакта мелдештин 1/8 финалында индиялык Сумит менен күрөшүп аны мөөнөтүнөн мурда жеңип алды.
Пикирлер (0)
Пикир жок. Сиз биринчилерден болушуңуз мүмкүн