Криштану Роналду алгачкы миллиардер футболчу болду

“Ювентус” клубунун чабуулчусу Криштану Роналду Forbesдин тизмеси боюнча кирешеси миллиар долларды түзгөн алгачкы футболчу болду.

Маалыматка ылайык, португалиялык футболчу 2019-жылы 105 миллион  доллар тапкан. Мунун негизинде эң бай белгилүү адамдардын арасында төртүнчү орунду ээледи.

Forbesдин билдирүүсүнө караганда, Роналду футболчулардын арасында миллиард доллар тапкан алгачкы оюнчу болду. Ал көпчүлүк кирешесин оюндардан тапкан. Калган каражатты рекламаларга тартылып топтогон.