Кечээ тышкы иштер министри Жээнбек Кулубаев расмий сапарынын алкагында Кувейттин Араб экономикалык өнүктүрүү фондунун башкы директору Валид Шамлан Аль-Бахар менен сүйлөшүүлөрдү өткөрдү.
Ведомстводон маалымдашкандай, жолугушуунун жүрүшүндө министр Кулубаев Кыргызстанда жүргүзүлүп жаткан реформалар жана инвестициялык чөйрөнү жакшыртууга багытталган иш-чаралар жөнүндө маалымат берди.
Ошондой эле кувейттик тарапка Кыргызстандын гидроэнергетика, транспорт, туризм жана логистика сыяктуу келечектүү экономикалык тармактарына инвестиция салуу мүмкүнчүлүгүн кароону сунуштады.
Тараптар ошондой эле Кувейттин Араб экономикалык өнүктүрүү фонду менен учурда биргеликте ишке ашырылып жаткан жол куруу, энергетика жана инфраструктура тармагындагы долбоорлорду талкуулашты.
Бул контекстте Жээнбек Кулубаев жемиштүү кызматташтык үчүн ыраазычылык билдирип, инвестициялык байланыштарды кеңейтүүгө кызыкдар экенин белгилеп, Кыргызстан фонд менен өз ара пайдалуу долбоорлорду ишке ашырууга даяр экенин билдирди.
Башкы директору Валид Шамлан Аль-Бахар Кыргызстандын өкмөтүнүн чет элдик инвесторлор үчүн жагымдуу шарттарды түзүү аракеттерин жогору баалап, Кыргызстан сунуштаган инвестициялык долбоорлорду изилдөөгө, аларды ишке ашырууда активдүү иш алып барууга кызыкдар экенин билдирди.
Пикирлер (0)
Пикир жок. Сиз биринчилерден болушуңуз мүмкүн