Кумарканалар бизге бюджетти толтуруу үчүн керек, - Садыр Жапаров

Кумарканалар бюджетти толтуруу үчүн керек. Мындай пикирин Садыр Жапаров АКИpress агенттигине берген маегинде билдирди.

Ал үчүн инвесторлор чакырыларын жана аларга ыңгайлуу шарттар түзүлөрүн кошумчалады.

"Бизге бюджетти толтуруу үчүн керек. Арак саткандардан деле, чочконун этин саткандардан деле салык алып жатабыз. Итке минип калган экономиканы кандай жол менен болбосун толтуруп, элдин жашоосун жакшыртышыбыз керек.

Жаңы Конституция ишке киргенде Улуттук агенттик түзөбүз. Инвесторлорду толугу менен коргойт. Акчасын да, өзүн да, мыйзамдуулук, юридикадык жактан коргоп, баарын бир агенттик карайт.

Бүгүнкү мыйзамда инвесторлорду колдогон мыйзамдар жок экен", - деди өлкө башчысы.