Кумтөр Ош облустук кан борборуна электр генераторун алып берди

Ош облустук кан борбору электр генератору менен камсыз болду

Ош облустук кан борбору жаңы электр генератору менен камсыз болду. Ачылыш аземине КР Президентинин Ош облусундагы ыйгарым укуктуу өкүлүнүн биринчи орун басары Данияр Жаныкулов, Саламаттык сактоо тармагынын Ош облусундагы координатору жана медицина кызматкерлери катышты.  Бул тууралуу президенттин Ош облусунун ыйгарым укуктуу өкүлүнүн маалымат кызматы кабарлады.

Маалыматка ылайык, жаңы алынган электр генератору аркылуу Ош облустук кан борборундагы көйгөйлүү маселелердин бири чечилди. Буга чейин электр жарыгы узак убакытка өчүп калган маалда (6-8 саат), кан жана анын компоненттери сакталган төмөнкү температурадагы камералык түзүлүштөрдүн блокторун үзгүлтүксүз электр энергиясы менен камсыздоо үчүн кубаттуу генераторду сатып алуу муктаждыгы пайда болгон..

Электр генераторун “Кумтөр Голд Компани” ААК тарабынан алынып берилди, кубатуулугу 100 кВт. Ош облустук кан борбору Ош, Жалал-Абад жана Баткен облустарынын калкын тейлейт.