Ош шаарындагы Манас-Ата кичи районунда бир туугандар ортосунда уруш чыггып, бычактан алган жаракатынан улам иниси каза болду. Ош ШИИБдин маалымат кызматынан кабарлашкандай, окуя бүгүн, 21-сентябрда эртең менен орун алды.
"1993-жылы туулган М.Д. аттуу жаран эртең менен мас абалында үйүнө келип бир тууган агасы менен конфликтке барган. Алардын жаңжалына апасы аралашып, саат 6 жарымда баланы эс алсын деп жаткырып коюшкан. Бир аз убакыт өткөндөн кийин М.Д. агасына келип кайра уруш чыгарган. Бул учурда ачуу үстүндө агасы инисинин санына бычак сайган. Алган жаракатынан улам М.Д. каза болду. Агасынын айтымында, иниси күндө ичип келип, жаңжал салчу", - дешти мекемеден.
Бир тууганынын өлүмүнө шектүү 1990-жылы туулган. Убактылуу эч жерде иштебейт, ажырашкан, бир кызы бар.
Пикирлер (0)
Пикир жок. Сиз биринчилерден болушуңуз мүмкүн