Күнөстүү бийиктеги кызматтар көлөкө жерлерде бөлүштүрүлөт

Мансапка жетиш үчүн адам жупуну кийинип, эл көзүнө көп көрүнбөй, эч кандай демилге көтөрбөй жашашы керек.

(Шарль Морис де Талейран-Перигор)

Шайтандын эки түрү болот: бейиштен куулган периштелер, анан карьера жасаган адамдар.

(Станислав Ежи Лец)

Мен дүйнөнү эмне үчүн жөндөмсүз кишилер башкарганын эми түшүндүм. Алар ичкилик ичишпейт, таң аткандан тарта “кантип карьера жасасам?” деп ойлоно башташат.

(Фрунзик Мкртчян)

Мен өз карьерамды келесоо бир кыз катары баштагам. Бүткөндө да ошентип бүтөм го.

(Мерилин Монро) 

Мансаптын кээ бир түрлөрү даргага алып барат.

(Станислав Ежи Лец)

Самосвал карьера жасасам деп кыялданбайт.

(Ашот Наданян)

Жинди – карьера жасай албай калган келесоо.

(Габриэль Лауб)

Адам өз катачылыгынан сабак алып, бирөөнүн катачылыгынан карьера жасайт.

(Александр Фюрстенберг)

Мага мансабыма карап эмес, жакшы адам катары мүнөздөмө беришкендерин каалайт элем.

(Натаниэль Бузолич)

“Мансабым кантет?” деп сарсанаа болбостон, “жашоом кандай уланат?” деп сарасанаа болуш керек.

(Фрэнсис Макдормэнд)

Карьера жасоо – бул өзүңдүн абийириңе көңүл бурбай коюу.

(Геннадий Москвин)

Карьера коомдо, талант жеке турмушта жаралат.

(Мэрилин Монро)

Үй-бүлөлүк бакыттын болбогону карьералык өсүүгө шарт түзөт.

(Юлия Пересильд)

Эгер карьералык шаты менен жогору көтөрүлгүңөр келсе, эчак ал жакка жетип калгандай кийингиле.

(Эвелина Хромченко)

Менин бир тааныш лифтёрум айткандай, жашоодо өйдөлөө бар, ылдыйлоо бар.

(Альфонс Алле)

Кошоматчылык – бул мансапкордун шатысы.

(Ашот Наданян)

Кызмат адамды өзгөртөт.

(Сергей Лукьяненко)

Мансапка жетишкен ар бир эркектин артында кыжалат тартып, сарсанаа болгон бир аял турат.

(Артур Блох)

Жогорку кызмат жалама аскага окшош: ага бүркүттөр, анан сойлоп жүрүүчүлөр гана жетет.

(Анна-Луиза Жермена де Сталь)

Жакшы тарбиянын өз минустары да бар, өзгөчө театр дүйнөсүндө карьера жасаш керек болгондо.

(Марлен Дитрих)

Эч качан мансап менен турмушту чаташтырбаш керек.

(Хиллари Клинтон)

Кызмат шатысынан канчалык көтөрүлгөн сайын балит адамдарга ошончолук көп жолугасың.

(Чингиз Абдуллаев)

Жогорку кызмат улуу адамды ого бетер улуу, пас адамды ого бетер пас кылат.

(Жан де Лабрюйер)

Кызмат шатысында канчалык жогорулаган сайын шаты ошончолук катуу солкулдайт.

(Раф Валле)

Мен Голливудга баратканда баары “сени лимон сыяктуу сыгып салышат” деп айтышкан. А мен болсо: “Силер сок ичесиңер да. Алар да сок ичкиси келет” деп жооп бергем.

(Кристоф Вальц)

Чиновниктин желкеси ийкемдүү болгону – анын карьералык өсүүсүнүн залогу. Адегенде аны минишет, анан ал башкаларды мине баштайт. Биздин коомдо ансыз болбойт.

(Антон Чиж)

Ар бир жогорулоонун артында кулоо бар.

(Борис Лесняк)

Багындырылган чоку тегиз жер болуп көрүнөт.

(Данил Рудый)

Күнөстүү бийиктеги кызматтар көлөкө жерлерде бөлүштүрүлөт.

(Геннадий Малкин)

Комфорт абалы – карьерага коюлган крест.

(Петр Квятковский)

Карьера начальниктин кызматынан башталбайт. Андай болгондо карьера деле болмок эмес.

(Андрей Ангелов)

Чекисттин эки гана жолу бар: же кызматынан көтөрүлөт, же түрмөгө отурат.

(Иосиф Сталин)

Кээде кызмат абалынын эң чокусу дарга болуп калат.

(Борис Крутиер)

Кызмат шатысынан көтөрүлүп баратканда деңиз деңгээлинен канчалык жогору көтөрүлгөнүңө баам сал.

(Авессалом Подводный)

Мамат Сабыров 

Булак: "Азия Ньюс" гезити